Ussi ek fard k wasty mery dil main dard hy kis liy
Meri zindagi ka mutalba wohi ek fard hy kis liy....??
Tu jo shaher main hi muqeem hy to musafrat ki fiza hy kion
Tera kaarwan jo nahi gaya to hawa main gard hy kis liy...??
Na jamal.o.husn ki bazm hy, na junoon.0.ishq ka azm hy
Sar.e.dasht raqs main her ghari koi baad gard hy kis liy...??
Jo likha hy mery naseeb main kahin Tu ny parh to nahi lia
Tera hath sard hy kis liy? Tera rung zard hy kis liy......... ....?
Wo jo tark.e.rabt ka ehad tha kahin tootny to nahi laga
Tery dil k dard ko dekh ker Mery dil main dard hy kis liy??
Koi wasta jo nahi raha Teri aankh main yeh numi hy kion
Mery ghum ki aag ko dekh ker Teri aah sard hy kis liy???
Tera Rang Zard Hai Kis Liye????
No comments:
Post a Comment
“You can't change the past, but you can ruin the present by worrying about the future”